Од моментот кога Адел за првпат излезе на сцената во 2008 година со нејзиниот деби албум „19“, беше јасно дека таа е нешто поинакво. И во текот на следната деценија, британската кантавторка продолжи да покажува колку е посебна во сè, од нејзиниот неверојатен глас до импресивното слабеење и гламурозната промена. Откако се врати во центарот на вниманието со објавувањето на „Easy on Me“ – нејзиниот прв сингл по пет години – Адел вистински ги воодушеви своите следбеници со новиот албум по долгата пауза.

 

View this post on Instagram

 

A post shared by Adele (@adele)

Последните денови во медиумите се појави фотографија на Адел, во издание во кое не сме навикнати да ја гледаме оваа дива. Овој пат таа не позираше во раскошни фустани и со совршена шминка, туку гушната со пријателка и со пиво и цигара во рака. Најверојатно тоа било роденденска забава за тинејџери бидејќи и самата Адел носи славеничка значка закачена на црната маичка со бели точки, а се истакнуваат и нејзината асиметрична фризура и нерамномерно скратените шишки.

Да се потсетиме, откако се разведе од сопругот Сајмон Конецки во 2019 година, таа и даде прилика на новата љубов со Рич Пол. Иако парот првпат се запозна на забава пред неколку години, тие почнаа да се забавуваат малку подоцна, а својата врска ја објавија во јавноста летото 2021. Адел има само пофални зборови за новата љубов, а исто така сподели и дека во оваа врска за првпат „се сака себеси и е отворена да биде сакана и од некој друг“.