Бранот протести на Ромите се шири и ги зафати областите на западна Атика, каде живеат многу од нив, како и внатрешноста на земјата.

Како што минуваат деновите на неизвесност за животот на 16-годишник кој беше застрелан во задниот дел од главата од припадник на специјалните единици додека бегаше од бензинска пумпа, каде што не ги плати 20-те евра вредни гориво, незадоволството кај Ромите расте, а конфликтите со полицијата во Атина и Солун стануваат се поинтензивни.

Членови на семејството на младиот човек веќе неколку дена дежураат пред болницата во Солун, заедно со голем број граѓани кои сметаат дека виновна е полицијата. На смирување на ситуацијата, на прекин на немирите и насилството апелираат адвокатите на семејството, како и претставници на ромската заедница.

Предградијата на главниот град и улиците на Солун, особено оние околу болницата каде несреќниот млад човек се бори за живот, наликуваат на бојно поле. Големи групи неистомисленици палеле се пред себе, продавници, автомобили и контејнери, палеле автомобилски гуми за да блокираат патишта, напаѓаат полицајци, ги гаѓаат со камења, па дури и со „молотови коктели“.

Меѓу нив има и вооружени. Пукале, го раниле полицаецот и рекле дека нема да мируваат додека не биде задоволена правдата. Таткото на ранетиот Ром вели дека доколку полицаецот што пукал во младиот човек не биде соодветно казнет и ако биде ослободен, ќе ја земе правдата во свои раце и на ист начин ќе го казни.

Полицаецот кој пукал е во притвор за обид за убиство. Околностите под кои се случило се истражуваат.