Пријателството на пејачката Тамара Тодевска и топ-моделот Катарина Ивановска датира многу одамна, уште кога и двете беа во екот на своите кариери во раните дваесетти. Низ годините важеа за одличен тандем кои покрај кариерата, беа доста познати и популарни, тренди девојки во Скопје.

Сепак, не беше секогаш сјајно кога е нивното пријателство во прашање. Имаше лутење, отследување па следење на социјалните мрежи, по некоја кавга, но секогаш пријателската љубов меѓу нив беше посилна.

И така речиси 20 години, сè додека и двете не го „искусија“ мајчинството. Тамара од бракот со Мачка ги доби Хана и Дарен, а Катарина од врската со Цобе, Вања и Кира.

И денес тие се одличен тандем и верни пријателки, кои заедно уживаат но на еден поинаков начин живеејќи го, како што Катарина милува да каже, вториот живот.

Иако во едно недамнешно интервју моделот на шега изјави дека и денес знаат да се „поткараат“ со Тамара, сепак, тие се верни пријателки и така ќе биде секогаш.

Интервју со Тамара Тодевска: Ѝ дадов шанса на љубовта, Лука ме прави среќна

Интервју со Катарина Ивановска, топ-модел: Свесно го жртвував највозбудливот дел од младоста заради професијата, но решив дека нема да го пропуштам мајчинството