Почина легендарниот велемајстор Борислав Бора Ивков
Шаховскиот свет е во тага откако вечерва во Белград на 89-годишна возраст почина велемајсторот Борислав Бора Ивков.
Ивков е роден во Белград 1933 година, а во шахот се вљуби на 10-годишна возраст. Во 1951 година стана прв младински светски шампион, додека во 2006 година беше европски шампион во конкуренција на ветерани.
Борислав Бора Ивков, титулата шаховски мајстор ја доби на 16 години, додека велемајстор стана 1955. на само 22 години. Има освоено 10 олимписки медали, пет медали од светските и европските првенства, а три пати беше шампион на СФР Југославија.
We hear with regret that Borislav Ivkov has succumbed to the universal conqueror, having attained the unusual age of fourscore years and nine. pic.twitter.com/sxhwLNC4q8
— Howard Staunton (@HowardStaunton) February 14, 2022
Ивков заедно со Светозар Глигориќ се единствените шахисти од поранешната СФР Југославија кои играле за титулата светски шампион.
Во 1965 година, Ивков во мечот за титулата е поразен од Швеѓанецот Ларсен, а пет години подоцна беше дел од репрезентацијата на Остатокот на светот која во Белград играше мечот на столетието против поранешниот СССР.
Борислав Бора Ивков е автор на бројни шаховски книги како што се „Моите 60 години во шахот“, „Црно на бело“, „Паралели 1 и 2“…