Премиерот Андреј Пленковиќ се пофали дека хрватскиот БДП пораснал за 3,9 отсто во првиот квартал.

Ова е најголем пораст меѓу 24-те земји-членки на ЕУ кои досега ги објавија овие податоци.

„Одлично продолжување на трендот од минатата година“, рече премиерот Пленковиќ.

Утврдувајќи дека Хрватска е во добар развоен момент, тој потсети дека за време на мандатот на неговите две претходни влади, реалниот раст на платите изнесуваше 37 отсто, а само минатата година тој раст беше меѓу 12 и 13 отсто.

Тој додаде дека просечната плата во изминатите осум години пораснала за цели 577 евра, а денес во Хрватска има 1,72 милиони вработени, од кои дури 80 отсто работат на неопределено време.

Воедно, за прв пат бројот на невработени е под 89.000, заклучи премиерот, објави Даница.хр.