Денеска во 11 коло во плеј-офот на македонската ракометна Суперлига екипата на Вардар иако во комбиниран состав убедливо со 36:15 славеше над Струга.

По првото полувреме играчите предводени од тренерот Владо Недановски имаа осум голови предност (16:8).

Први стрелци во редовите на скопските „црвено-црни“ беа Марио Стојановски и Немања Голковиќ со по пет голови, а по четири имаа Милан Лазаревски и Ален Ќосевски.

На спротивната страна најефикасен беше Мерис Бошњак кој седум пати се запиша во листата на стрелците.

Повторно лидер на табелата е Вардар со 30 бодови, еден повеќе од второпласираниот Еурофарм Пелистер кој својот меч ќе го има в сабота на гостински терен против Тинекс Пролет. Тимот на Струга е на последната осма позиција без бодови.