Вооружени напаѓачи на мотоцикли во саботата убија пет мажи на периферијата на мексиканскиот град Пуебла поради расправија за украденото гориво, пренесува Вашингтон пост, цитирајќи го денешното соопштение на локалните власти.

Полицискиот оддел во Пуебла соопшти дека петте жртви чувале два камиони-цистерни кога се случил нападот. Најверојатно се работи за кражба на гориво, соопшти полицијата.

Полицијата соопшти дека двете жртви биле уапсени во октомври за нивна наводна вмешаност во експлозија на камион цистерна со гас, но не ја прецизираше нивната улога во инцидентот.

Градот Пуебла е источно од Мексико Сити и долго време има проблем со бандите кои дупчат нелегални цевки во владините цевководи за да крадат гориво. Престрелките меѓу бандите и полицијата не се невообичаени.