Петков потрошил најмногу за вечерата со Ковачевски – 9.000 евра, за онаа со Шолц петпати помалку
Поранешниот бугарски премиер, Кирил Петков, најскапата вечера како претседател на Владата ја приредил при посетата на македонскиот колега, Димитар Ковачевски, на Софија во јануари годинава
Како што пишува бугарскиот медиум „Епицентар“, Петков потрошил околу 9.000 евра за вечерата Ковачевски и неговата делегација.
За споредба, вечерата која ја организирал Петков за германскиот канцелар Олаф Шолц, чинела петпати помалку – 1.800 евра, слично како и онаа со холандскиот премиер Марк Руте – 1.830 евра.
Бугарскиот портал во текстот, кој е критичен кон поранешниот премиер и го обвинува за прекумерно трошење, наведува и дека Петков барал органска храна, овошје и зеленчук, а пиел скапи води и цедени сокови од свежо овошје.