Деменцијата е постепено, но хронично губење на когнитивните способности. Луѓето кои страдаат од деменција имаат тешкотии во памтењето и лошото проценување на животните ситуации. Синдромот на деменција се нарекува и сенилност.

Заболените ја губат контролата врз себе, способноста за расудување, имаат проблеми со емоционални нарушувања. Со текот на времето, тие се повлекуваат во себе, ја менуваат својата личност и стануваат сомнителни и раздразливи. Причината е главно оштетување на мозокот, а 50 отсто од деменцијата меѓу постарите е Алцхајмерова болест.

Сите експерти се согласуваат дека најголем ризик за развој на деменција е стареењето, а дијагнозата најчесто се јавува по 60-тата година од животот. Но, научниците неодамна научија и нешто ново за потенцијалните ризични фактори кои можат да предизвикаат деменција, а некои од нив може да ве изненадат.

Еве за што се работи.

1. Губење на забите

Една неодамнешна студија, објавена во списанието JAMДA открила дека колку повеќе заби човек губи, толку се поголеми шансите за развој на деменција или когнитивно пропаѓање. Научниците анализирале бројни студии кои вклучиле голем број луѓе и заклучиле дека губењето на забите е поврзано со 1,48 пати поголем ризик од развој на деменција. За секој изгубен заб, шансите за развој на деменција се зголемуваат за 1,1 пати, а за когнитивно пропаѓање до 1,4 пати.

2. Губење на овие две сетила

Неодамнешна студија покажала дека постарите луѓе кои го губат видот и слухот имаат двојно поголема веројатност да развијат деменција.

– Губењето на слухот може да биде ран знак за оваа состојба. Добриот слух е витална компонента на здравиот живот, а секогаш постојат начини да се спречи ризикот. Избегнувајте гласни звуци и редовно проверувајте го слухот – истакнува д-р Хоуп Лантер. Нутриционистката открила дека ги подготвува омилените зимски оброци, меѓу кои и чорбите .

3. Лош сон

Студијата објавена оваа пролет во магазинот „Природа комуникации“ открила дека луѓето постари од 50 години спијат помалку од 6 часа и затоа имаат 30 отсто поголема веројатност да развијат деменција во старостта.
„Ако постојано малку спиете, мошне помалку отколку во младоста, оваа навика е поврзана со 30 отсто поголеми шанси за развој на деменција без оглед на сите други здравствени фактори“, пишуваат авторите на студијата. Колку сон е потребно? Експертите велат од седум до девет часа во текот на ноќта.

4. Пушење

Пушењето има многу врска со здравјето на мозокот, а тоа може да влијае на неговата работа. Д-р Даглас Шар, невролог од Универзитетот Векснер, кој се занимава со лекување пациенти кои страдаат од проблеми со памтењето, деменција и Алцхајмерова болест, наведува дека една студија открила дека само една цигара дневно може да влијае на когнитивните способности, а ако пушите 15 цигари на ден, капацитетот на меморијата се намалува за 2 отсто. Кога ќе престанете да пушите, вашиот мозок ќе профитира речиси веднаш.

5. Нездрав живот

Студијата објавена во магазинот „ПЛОС медисин“ открила дека здравите навики, а тоа значи непушењето или непиењето алкохол, внимавањето на телесната тежина и вежбањето – можат да ги намалат шансите за развој на деменција за 55 проценти. И ова е вистина дури и кај луѓето кои имаат зголемен наследен ризик за развој на когнитивни тешкотии. Истражувањата сугерираат дека умерениот живот, полн со здрави навики е важен фактор за здравјето, особено во староста.