Министерството за одбрана на САД објави фотографија од кинескиот балон непосредно пред да биде соборен на 4 февруари.

Речиси 20 дена по соборувањето, Пентагон објави фотографија направена од пилотот на ловецот У-2 непосредно пред да се урне балонот на брегот на Јужна Каролина.

Северната команда на САД (NORTHCOM) објави дека остатоците од кинескиот балон се извадени од морето и испратени на испитување во лабораторијата на Федералното истражно биро (ФБИ).

Кинескиот балон, кој беше откриен над американската држава Монтана, каде што се наоѓа американското нуклеарно оружје, предизвика дипломатска криза меѓу Вашингтон и Пекинг и привремено затворање на американскиот воздушен простор, потсетува Анадолија.

По откривањето на балонот, американскиот државен секретар Антони Блинкен ја одложи посетата на Пекинг.

Кина тврди дека балонот соборен од САД бил цивилен метеоролошки истражувачки воздушен брод кој излегол од курсот.

За острите реакции од Вашингтон, кинеското Министерство за надворешни работи соопшти дека „некои политичари и медиуми во САД кренале прашина за да ја нападнат и оцрнат Кина“.