Со оглед на обврските кои им следуваат во текот на наредната седмица, кошаркарите на Пелистер својот меч од второто коло, оној против екипата на Чаир 2030 ќе го одиграат ден порано од предвидениот термин.

Во петок навечер, од 19.00 часот во салата „Боро Чурлевски“ – Битола, „пелистерци“ ќе се обидат да дојдат до вториот триумф во новата првенствена сезона.

По успехот на премиерата против Работнички во Скопје, битолчани пред себе имаат екипа која, за разлика од нив, загуби во првиот круг од МТЕЛ Супер лигата, која во меѓувреме доби уште некои нови играчи.

Потсетување, Пелистер го очекува и настапот во ФИБА Европа купот каде што првиот меч ќе го има на 15 октомври на гости во Хрватска против Цедевита Јуниор.

„МТЕЛ“ СУПЕР ЛИГА-МАЖИ

ДВОЈКИ 2. КОЛО

10 ОКТОМВРИ (ПЕТОК)

19.00: Пелистер – Чаир 2030

11 ОКТОМВРИ (САБОТА)

13.00: ТФТ – Работнички
17.00: Тиквеш Голден Игл – Кожув
17.00: Ангели – Гостивар
17.00: МКК Куманово – Маџари (се игра без присуство на публика)

12 ОКТОМВРИ (НЕДЕЛА)

20.00: МЗТ Скопје Аеродром – Феникс 2010