Свештеници одржале посебен ритуал на „чистење“ во главниот олтар на базиликата „Свети Петар“, кој го користи и папата Франциск, откако просторот неделава го осквернави од човек кој таму се појави гол за да протестира против војната во Украина.

На молитвената миса предводена од кардиналот Мауро Гамбети човекот, полски државјанин, се соблекол и застанал пред олтарот на базиликата во четвртокот. На неговиот грб пишувало „спасете ги децата на Украина“.

Обезбедувањето на Ватикан го предало демонстрантот на италијанската полиција, која го приведла и во меѓувреме го депортирала од Италија.

Гамбети рече дека човекот направил „грешен и несоодветен гест, кој е за жалење“, со цел да го привлече вниманието на жртвите од војната.

Извор од Ватикан наведува дека за време на инцидентот, демонстрантот сам на себе си нанел гребаници по телото.