Капитенот на македонската фудбалска репрезентација, Горан Пандев, се најде на удар на италијански власти по победата на неговата Џенова од 2:1 над Милан.

Итaлијанскиот министер за спорт, Виченцо Спадафора, е лут на Пандев бидејќи во еуфоричната прослава на постигнатиот гол за своата екипа, се гушкал со соиграчите.

– Фудбалот продожува да поставува лош пример. Изливот на емоции на Пандев, прегрнувањето со соиграчи е најдобар доказ за тоа. Мора да носиме одлуки кои ќе го штитат здравјето на Италијанците – изјави Спадафора.

Поради епидемијата на коронавирусот, сите спортски натпревари во Италија до 3 април ќе се играат без присуство на гледачи, додека утре ќе се разговара за евентуална суспензија на Серија А.