Овие три евтини и вкусни намирници ќе ви помогнат да го намалите холестеролот
Богати со влакна, протеини, железо и магнезиум, гравот и леќата се меѓу најхранливите и најразновидните намирници.
Препорачано
Гравот лесно се вклопува во различни јадења, од супи и салати до сосови и прилози, а секако и како главно јадење, па нутриционистите откриваат зошто треба почесто да го јадеме.
Редовното консумирање грав и леќа е корисно за намалување на холестеролот, помага во заштитата од рак на дебелото црево, го стабилизира нивото на гликоза и помага во спречување на дијабетес, помага во одржување на здрава тежина и обезбедува поголем внес на влакна, железо и калциум.
Кои мешунки треба да ги внесеме во исхраната?
Секој вид грав има уникатни хранливи вредности и вкус, што го прави одличен додаток во вашата секојдневна исхрана. Без разлика дали бараме извор на протеини, влакна или витамини, секој вид носи свои придобивки. Еве некои од најдобрите избори и совети како да ги вклучите во вашите оброци:
Леќа
Половина шолја варена леќа содржи 8 грама влакна, 9 грама протеини и е богата со витамини Б, железо и магнезиум. Додадете ја во салати, супи, кари, хамбургери или како замена за месо во болоњезе сос.
Црн грав
Половина шолја конзервиран црн грав има 6 грама влакна и протеини, како и железо, фолна киселина и тиамин. Можете да го користите во салати, тортилји, печива или хамбургери.
Леблебија
Половина шолја леблебија (наут) содржи 6 грама влакна и 7,5 грама протеини и е богата со железо, магнезиум, фосфор, фолна киселина и манган. Наутот од конзерва може да се користи на различни начини – додадете гo во салата, изгмечете го во сендвич или испечете го и прелијте го со темно чоколадо доколку сакате сладок деликатес.
