Речниот крузер Викинг Сиџин синоќа околу 21.00 часот налетал на туристички брод со јужнокорејски туристи во Будимпешта. После силен судир бродот се превртел, а седум туристи починале, додека потрагата по уште 21 лице и понатаму трае.

Се претпоставува дека до несреќата дошло поради лошите временски услови.

Викинг Сиџин е во сопственост на компанијата Викинг Крузис, американска компанија со седиште во Базел.

Според основните информации, крузерот има 95 надворешни кабини, ресторан, видиковец и уште многу работи кои се во понуда за патниците.

Долг е 135 метра и широк 12 метри, а е тежок 1.000 тони. Тој е способен да се движи со брзина од 12 до 15 километри на час.