Дамките од душеци се честа појава во секое домаќинство, а нивното отстранување понекогаш може да биде тешко и да одзема многу време. Сепак, производ што се користи секојдневно за козметички цели може да послужи и како ефикасно средство за чистење.

Всушност, тоа е пена за бричење. Иако е наменета за нега на кожата, одлична е и за отстранување на жолти и други тврдокорни дамки од душеци и перници.
Трикот е едноставен – треба да ја нанесете пената директно на извалканата површина, да ја оставите да делува околу еден час, а потоа да ги отстраните остатоците со влажна микрофибер крпа.

Овој метод е многу популарен поради неговата едноставност и достапност. Освен душеците, пената за бричење може да се користи и за успешно чистење на други површини во домот, како што се плочките во бањата, оставајќи свеж мирис и елиминирајќи ги непријатните мириси.

Ако барате брзо и ефикасно решение за чистење на дамки, а не сакате да користите груби хемикалии, пената за бричење може да биде одлично решение.