Османи контра Лавров: Не Западот, туку Русија е виновна за проблемите на Балканот
Македонскиот министер за надворешни работи Бујар Османи на завршната прес-конференција на Самитот на ОБСЕ во Скопје ги негираше коментарите на рускиот шеф на дипломатијата Сергеј Лавров, кој претходно изјави дека Западот е виновен за немирите на Балканот.
„Јас целосно не се согласувам со коментарите на Лавров. Не Западот, туку Русија е таа која го дестабилизира регионот преку латентни и видливи чекори и прокси играчи. Тие се обидоа во Северна Македонија за време на Референдумот за влез во НАТО во 2018 година, се обидоа на изборите во Црна Гора, во БиХ, како и во Србија, а со тоа и во Косово“, изјави тој.
Притоа додаде дека Русија е причината за проблемите и нестабилноста во регионот, а решението го гледа во членството во НАТО и ЕУ за сите земји.
Османи рече дека на средбата во средата со американскиот секретар Ентони Блинкен му кажал дека Северна Македонија е „уникатна приказна, односно модел на функционална меѓуетничка демократија во тежок регион“. Зад неа, како што кажа, стои голем печат на САД и Македонија без ниван поддршка немаше да биде тоа што е денес.
Тој потенцираше дека САД се најголем партнер кој помогнал на мирен пат да се решат некои од проблемите со кои се соочувал Балканот низ годините.