Охрабрувачки истражувања за „Пирола“: Антителата создадени од инфекција или вакцини се доволни за заштита од нов вид на вирус
Прелиминарните истражувања покажаа дека антителата создадени како резултат на инфекција или вакцините против коронавирусот се доволни за заштита од новата варијанта на ковид БА.2.86, наречена „пирола“, објави американскиот Центар за контрола и превенција на болести.
Ова е спротивно на претходните проценки на Центарот од август 2022 година дека, во споредба со претходните, новата варијанта на коронавирусот може да предизвика инфекција во поголема мера кај граѓаните кои биле болни или вакцинирани.
Компанијата „Модерна“ објави дека нејзината вакцина придонесува за зголемување на антителата против мутираниот вид за 8,7 пати, пренесе „Гласот на Америка“.
Се очекува Управата за храна и лекови во наредните денови да одобри подобрени вакцини, кои треба да обезбедат заштита од новата варијанта на вирусот.
Прелиминарните податоци покажуваат дека перформансите на новите вакцини може да бидат охрабрувачки, соопшти Центарот за контрола и превенција на болести.
Агенцијата за јавно здравје објави дека новиот вид на ковид-19 не влијаел на зголемувањето на нови случаи и хоспитализации во САД.
Европа и Америка се „благо“ вознемирени поради новиот бран на ковид