Пазарот со нафта е презаситен, па дури и со онаа која се произведува од нафтени шкрилци, а ваквата енормна понуда би можело и понатаму да го обезвреднува црното злато, и неговата цена да падне и под 20 долари за барел.

Неодамна американскиот претседател Доналд Трамп даде насоки за социјално дистанцирање до крајот на април, повлекувајќи се притоа од својот претходен план „да ја отвори економијата“ пред Велигден.

Негативната ревизија на цената би можела да продолжи и во наредниот период, со оглед на тоа дека побарувачката на овој енергенс полека се гаси, на многу повеќе од 20 проценти велат експертите.

Пазарот многу брзо се распаѓа што во некои области цените се катастрофално ниски.

-Проценките за побарувачката се ревидираат секојдневно, додека пак на страната на понудата се уште нема никакви знаци н а помирување помеѓу Саудиска Арабија и Русија.

Аналитичарите сега го следат глобалниот капацитет на резерви, кои бо можело да се наполнат за неколку недели.

Голдман сакс смета дека американското производство на нафта ќе опаѓа за 1,4 милиони барели дневно. Тоа ќе значи и дека паралелно со тоа ќе паѓа и цената. Трошоците за производство ќе пораснат, што неопходно ќе доведе до масовно стопирање на производството.

Проценките на нафтениот пазар се дека ваквите шокови од понуда и побарувачка би можело да продолжат и во наредните 3 до 4 месеци.

Но доколку било кој од овие два шока потрае 12 месеци или подолго, гигантскиот вишок би можел да ја држи цената на нафтата под 20 долари многу долг период, додаваат експертите не исклучувајќи ја можноста за уште пониска, неверојатно ниска цени на овој енергенс.