Германскиот производител на автомобили „Ауди“ ќе се приклучи на шампионатот во Формула 1 од 2026 година. Извршниот директор на таа компанија, Маркус Дисман ја потврди веста во Спа Франкоршан.

– Со новите правила, добро време е да се вклучиме – рече Дисман на прес-конференција.

Како што се наведува во соопштението на ФИА, до 2026 година, погонските единици сигурно ќе имаат уште 1,6-литарски В6 мотори, но капацитетот на електромоторите ќе се зголеми, така што електричниот сегмент ќе биде поскап и тоа ќе влијае на зголемувањето на буџетот или ограничувањето на платите.

– Воодушевен сум од доаѓањето на „Ауди“ во Формула 1, познат автомобилски бренд и технички иноватор. Ова е голем момент за нашиот спорт и ја означува силата што ја имаме како глобална платформа за да продолжиме да растеме – вели директорот на Формула 1, Стефано Доменикали.

„Ауди“ го најави влезот во Формула 1 пред Големата награда на Белгија, а до крајот на годината ќе биде познато кој ќе го сочинува тимот во 2026 година.

Welcome to the grid, @audisport… looking sharp ?#F1 pic.twitter.com/XT4RRpoRTA

— Formula 1 (@F1) August 26, 2022