Македонскиот репрезентативен голман започна да блеска и во дресот на португалската екипа на Порто…

Никола Митревски забележа одлични перформанси од 15 одбрани во триумфот на пријателскио натпревар против шпанскиот тим на Адемар Леон.

Порто славеше на овој контролен меч како подготовка за новата сезона со конечен резултат 30:26.

Минатата сезона нашиот чувар на мрежата ги бранеше боите на Еурофарм Пелистер, а пред да направи трансфер во Битола, 34-годишниот Митревски беше дел уште од Доброгеа Суд, Бенфика, Металург и Вардар.

Порто се подготвува за настапот во групната фаза од Лигата на шампионите, во групата „А“ за ривали ги има актуелниот европски шампион Вардар 1961, потоа ПСЖ, Кјелце, Пик Сегед, Мешков Брест, Елверум и Фленсбург.