Деновиве се навршуваат пет години откако беше објавена веста за повлекувањето на принцот Хари и Меган Маркл од кралските должности. Последиците од тој чин се чувствуваат и денес, со уништени меѓучовечки односи, недостаток на доверба и разочарување на другите членови на британското кралско семејство, особено на кралот Чарлс трети и принцот Вилијам.

Списанието „Венити фер“ исто така го коментираше настанот, повикувајќи се на извори блиски до парот. Меган и Хари сакаа да се прикажат како луѓе кои ќе го променат светот, но во овие пет години не успеаја да го исполнат тој идеал, особено Меган.

„Дијана одеше низ минско поле. Меган не може ни да го каже зборот г***а“, рекол изворот, кој работел за Хари и Меган на бројни медиумски проекти, вклучувајќи го и поткастот на Меган „Архетип“.

„Мислам дека целиот свет ја чекаше Меган да стане таа личност, но таа никогаш не го направи тој чекор“, рекол изворот, додавајќи дека Меган често предлагала провокативни теми за нејзиниот поткаст „Архетип“, а потоа се предомислувала пред снимањето“, навел изворот.

„Венити фер“ се осврна и на обвинувањата на десетина поранешни вработени кои ги напуштиле позициите поради мобинг на Меган. Цитирајќи повеќе луѓе, Меган често се претвораше од топла и пријателска личност во ладна и воздржана, особено ако нешто не оди како што планирала.

Друг извор, пак, го демантирал написот на „Венити фер“, нарекувајќи го вознемирувачки, а трет истакна дека сето ова се случило во момент кога Меган морала да го одложи емитувањето на нејзиното готварско шоу „Со љубов, Меган“, а Хари морал да отпатува во Обединетото Кралство на судска постапка.

И додека одекнуваат зборовите на актерката Шерон Стоун, фалејќи ја двојката како нејзини соседи, жителка на Монтесито, каде што двојката има замок од 29 милиони долари, ги опиша Хари и Меган како најпривилегираните и најнеискрените луѓе на планетата, додавајќи дека тие само го вознемирија локалното население.

Двојката неодамна беше предмет на гласини за развод, но 43-годишната поранешна актерка и 40-годишниот помлад син на кралот Чарлс сè уште изгледаат како пар кој не е толку погоден од лошите работи.