Обвинителството бара притвор за Камчев
Обвинителката Вилма Рускоска потврди дека ќе биде побаран притвор за бизнисменот Орце Камчев.
Камчев е приведен претпладнево во Полициската станица Карпош, потврдија за „Слободен печат“ извори од Министерството за внатрешни работи (МВР). Тој по приведувањето е упатен во Кривичниот суд во Скопје, каде е на распит пред судија по претходна постапка.
Според објавите на дел од медиумите, Камчев се подготувал за бегство, а информацијата за ваквиот обид до Обвинителството ја доставиле Агенцијата за национална безбедност (АНБ).
АНБ имала информации дека се подготувал за бегство: Приведен бизнисменот Орце Камчев
Орце Камчев е еден од осомничените во случајот „Империја”, но и во случајот „Плацеви на Водно” за кој Рускоска информираше дека истрагата е при крај. Во „Плацеви за Водно” првоосомничен е поранешниот премиер Никола Груевски, за кого истрагата покажала дека со пари на партијата си купил плацеви во вредност од 1,3 милиони евра.