Карактерните црти на сите знаци на Зодијакот се различни и на различни начини се справуваат со стресот и чувањето тајни. Астролозите врз основа на карактеристиките откриле како секој знак се однесува додека го изневерува партнерот.

Секој хороскопски знак прави нешто што открива дека се впуштил во прељубнички води.

Овен: Престанува да покажува физичка наклонетост

Овните се храбри и најстрасни љубовници од сите знаци. Кога станува збор за романтиката и опсипување на саканата личност со нежности, никој не го прави тоа како нив. Овенот ќе ве маѓепса со својот шарм и ќе се однесува кон вас како да сте единствената личност на светот. А не е потребно ниту да се спомнува, дека овој лесно „запалив“ знак сака секс и сѐ што е поврзано со него. Значи, ако забележите дека добивате помалку бакнежи наутро или не го потенцира галењето навечер, тоа може да биде знак дека наклонетоста на вашиот Овен преминала на друга личност.

Бик: Не бара ваш совет и мислење

На почетокот е тешко да се „дешифрираат“ Биковите, но кога подобро ќе ве запознаат, имаат тенденција да се отворат. Кога овој тврдоглав земјен знак ќе најде партнер со кој сака да биде на долги патеки, можете да бидете сигурни дека ќе ве прашува за совет и мислење речиси за сѐ. Бикот сака партнер чие мислење го цени и му верува, па ако наеднаш почувствувате дека држи сѐ под контрола, без ваша помош, можеби е време да се загрижите. Постои голема веројатност тие одговори да ги бара од некој друг.

Близнаци: Го кријат својот телефон

Зборливи и дружељубиви, овие воздушни знаци кои сакаат забава постојано ги прошируваат своите групи на пријатели, хоби и лични интереси. Кога ќе се најдете во врска со Близнаци, тие се отворена книга и сакаат да ги споделат своите мислења. Можете да очекувате многу интерни шеги и интересни фотографии.

Меѓутоа, ако забележите дека вашиот партнер одеднаш станал многу таинствен и го крие својот телефон, можеби постои причина за загриженост. Големи се шансите да кријат некои „безобразни“ пораки кои не сакаат да ги видите.

Рак: Има одбранбен став и отфрла сѐ што не му одговара

Излегувањето со Рак е како да излегувате со вашиот најдобар пријател. Овие нежни и грижливи луѓе се познати по својата трпеливост, што ги прави одлични животни партнери. Без разлика со какви препреки се соочувате двајцата, секогаш можете да сметате дека Ракот ќе размислува за чувствата на сите.

Од една страна, особено е лесно да знаете кога се заинтересирани за вас и кога уживаат во вашето друштво. Од друга страна, може да биде запрепастувачки кога ќе почнат да покажуваат знаци на одбранбен став. Ако вашиот партнер кој инаку е нежен и полн со љубов, наеднаш стане ладен, па дури и одбоен, можеби е изморен од „обрнувањето внимание“ на туѓите чувства.

Лав: Повеќе се трудат околу својот изглед

Излегувањето со Лав не е за оние со слабо срце. Овие владетели на сцената привлекуваат внимание каде и да одат и сакаат да бидат срцето на забавата. Меѓутоа, и покрај сето тоа свое парадирање и покажување, тие се многу лојални партнери. Кога Лавот ве сака, има начин да ве осветли со својата светлина и да направи да се чувствувате како да сте центарот на универзумот.

Меѓутоа, ако се чувствува непочитувано, гордиот Лав може да залута во туѓи прегратки. Можеби треба да се загрижите ако забележите дека излегува повеќе од вообичаено и дека вложува повеќе труд околу својот изглед.

Девица: Наеднаш го променува распоредот

Девиците се практични во пристапот кон љубовта и многу предвидливи во своите врски. Она што ја прави врската со Девица толку пријатна е тоа што секогаш знаете што да очекувате. Кога ќе кажат дека ќе направат нешто, можете да верувате дека ќе го направат тоа без потсетник. Тие не ја менуваат својата рутина често и имаат тенденција да се држат до истите навики, хоби и дневен распоред.

Значи, ако вашиот партнер Девица одеднаш не е таму каде што рекол дека ќе биде или постои необјаснета промена во неговиот распоред, постои можност тој да сака да ги промени работите, а статусот на вашата врска може да биде една од работите што планира да ја промени.

Вага: Тие се хиперкритични кон врската

Вагата е знак на врски. Како искрен и урамнотежен хороскопски знак, знае како да направи луѓето да се чувствуваат видено и посебно. Се чини дека секогаш знаат да ја кажат вистинската работа, па затоа важат за едни од најдобрите долгогодишни партнери од сите знаци.

Никој не разбира колку е важно да ги охрабрувате своите сакани и да ги бодрат како Вагата. Затоа, ако забележите дека вашиот љубовник Вага ве критикува, ве испрашува или ненадејно наоѓа пет проблеми во вашата инаку хармонична врска, тој можеби се обидува да го оправда своето однесување.

Скорпија: Престануваат да ве убедуваат за деталите

Скорпиите се мистериозни знаци на Зодијакот, што на почетокот може да ги направи застрашувачки. Иако енергијата на нивниот воден знак им дава длабока емотивна страна, потребна е голема доверба за да се отворат некому.

Меѓутоа, штом се во врска, можете да очекувате Скорпиите брзо да ви се отворат и дека на некој начин ќе станете нивен советник. Речиси не можат, а да не го споделат секој детаљ за своите соништа и желби со оние што најмногу ги сакаат.

Но, ако одеднаш почувствувате дека не сте во тек со сè што се случува во нивниот живот, тие можеби нема да ви ја раскажат целата приказна (бидејќи ќе му ја раскажат на некој друг).

Стрелец: Престануваат да објавуваат ваши фотографии

Стрелците се забавни, весели и спонтани љубовници. А кога овој огнен знак ќе најде партнер кој ги дели нивните страсти, тоа може да биде најголемата авантура од сите. Кога некој Стрелец е вљубен, за очекување е да сподели серија фотографии од заеднички моменти на социјалните мрежи.

Меѓутоа, ако престанат да објавуваат фотографии, можеби сакаат да го сокријат тоа што го прават.

Јарец: Одбиваат поголеми заеднички купувања

Јарците бавно влегуваат во долга врска. За овој практичен знак љубовта е влог во иднината како и сѐ друго. И иако тоа не звучи супер романтично, тоа е одличен начин да се изгради живот со некого. Кога сте во врска со Јарец, тој ќе ви даде сѐ на светот, без оглед на цената.

Меѓутоа, ако се чини дека се двоуми околу некое поголемо заедничко купување за кое претходно сте разговарале – обрнете внимание. Можеби се повлекува и сака да го здружи својот имот со некој друг.

Водолија: Повеќе би сакала да поминува време со пријателите

Водолија е знак на пријателството. Откако ќе го освоите нивното срце, тие брзо ќе ве запознаат со нивното друштво и ќе се погрижат да станете дел од друштвото. Можете да очекувате дека во романтична врска со Водолија ќе се чувствувате како да излегувате со вашиот најдобар пријател, а со тоа доаѓаат и многу ноќни забави со луѓе со кои е блиска.

Но, ако почнат да инсистираат да излегуваат сами или да поминуваат време со пријателите без вас, постои можност да се спријателиле со некој друг.

Риби: Постои емотивна дистанца

Рибите се најголемите сонувачи во Зодијакот, а љубовта е обично она за што најмногу фантазираат. Слатки, чувствителни и емотивни, не се плашат да ги отворат срцата и да ги споделат своите најинтимни мисли со партнерот. Без разлика дали се работи за нивните нежни прекари за вас или нивната желба да разговараат за вас со своите најблиски, Рибите знаат како да му покажат на партнерот дека е сакан.

Ако одеднаш им недостасува вообичаената топлина и емоционалната отвореност, можеби е време да се загрижите. Дали навистина ништо не им паѓа напамет? Или ги споделуваат своите тајни со некој друг?