Една од поранешните вработени на Елен Деџенерис изнесе нови обвинувања против водителката, велејќи дека атмосферата кај Елен била неверојатно фрустрирачка. Како што изјави за американските медиуми, луѓето претежно останувале на своите работни места само неколку недели или месеци, а Деџенерис се однесувала недолично кон нив и ги малтретирала без вистинска причина.

Некогаш најдобрата водителка на светот, а сега ја бие лош глас, Елен Деџенерис последните неколку месеци е под огромен притисок поради обвинувањата дека со години ги малтретирала своите вработени.

Веста за мобингот во нејзиното ТВ студио се прошири низ целиот свет и стана голем проблем дури и за нејзината продукциска куќа „WarnerMedia“, која исто така започна официјална истрага против водителката.

Започната истрага против Елен Деџенерис по обвиненијата на нејзините вработени

На вработените им се испратени писма во кои се известуваат дека ќе бидат сослушани. Истрагата ја поттикнаа нивните јавни признанија за малтретирање, расистички испади и застрашување од страна на 62-годишната водителка, меѓутоа таа засега не е официјално обвинета.

Бидејќи целиот случај дополнително од ден на ден сè повеќе се разгорува, а јавноста добива сè повеќе детали за наводниот проблем, „Дејли меил“ во своите нови текстови носи сведоштва од поранешни вработени кои тврдат дека атмосферата кај Елен била како да се наоѓа во „работен логор“.

Еден од вработените раскажа како Елен ги казнувала за секоја ситница. На пример, таа би одземала од нивната плата доколку пената во кафето не била таква како што таа очекувала тоа утро.

Таа наводно оставала и „стапици“ во нејзината канцеларија – кутија со кибрит под перницата, за да провери дали го исчистиле и тој дел од просторијата.

Целиот тим на водителката кој помага во реализацијата на шоуто, брои околу 30 члена, кои како што тврдеа во април годинава, повеќе од 30 дена не добиле повратна информација околу тоа кога ќе добијат плата, колкава ќе им биде платата, но и кое им е работното време.

Покрај тоа, тимот на водителката дополнително бил гневен поради тоа што Елен во време на пандемија, одлучила да ангажира надворешни соработници кои ќе помогнат во непречената реализација на емисијата од нејзиниот дом во Калифорнија.

После триесет дена откако постојано прашувале кога ќе добијат плата, на крај вработените биле исконтактирани од страна на шефот на продукцијата, кој им соопштил дека платата отсега па натаму ќе им биде намалена за дури 60 проценти.

Елен Деџенерис без најава им ги намалила платите на вработените за дури 60 проценти!

Инаку, Елен Деџенерис, важи за една од побогатите водителки кои имаат свое телевизиско шоу. Нејзиното богатство се проценува на 360 милиони долари.

Елен Деџенерис се пошегува дека луксузната вила ѝ е како затвор и доби остри критики