„Старата дама“ нуди 22 милиони евра за напаѓачот на Сасуоло, Џанлука Скамака и се надева дека ќе биде реализиран трансферот во наредните денови.

22-годишниот играч кој моментно е на позајмица во Џенова, веќе неколку недели се наоѓа на „мета“ на Јувентус, а според „Ла Гаѕета дело Спорт“ двете страни се блиску до постигнување договор.

Оваа понуда на Јуве е блиску до онаа која ја бараат од Сасуоло, вкупно 25 милиони, а од Торино сакаат што побрз одговор.

Зимскиот преоден рок завршува на 1 февруари, а Андреа Пирло би можел наскоро да има уште една опција во нападот.

Покрај Скамака, Јувентус ја следи и ситуацијата уште со Оливие Жиру (Челси) и Един Џеко (Рома).