Норвешкиот селектор претпазлив: Ако Македонија има свој ден, може секого да победи
Во петок од 20:30 часот репрезентацијата на Норвешка ќе биде првиот противник на Македонија на Светското првенство во Полска и Шведска.
Норвешка е првиот фаворит во групата во која се уште Холандија и Аргентина. Сепак селекторот Јонас Вале е претпазлив и во никој случај не ја потценува Македонија пред натпреварот.
Покрај Македонија, тој ја издвои и Холандија која на последното Европско првенство покажа дека може да игра на ниво.
„Македонија и Холандија се две репрезентации кои играат на високо ниво и ако имаат свој ден можат да победат против секого. Мораме да бидеме фокусирани од самиот почеток. Не бегаме од улогата на фаворити во овие три натпревари, но тоа ќе мора да го оправдаме и на терен. Сонувам за медал на овој Мундијал, меѓутоа и ги почитуваме сите противници. Ние ќе се обидеме во секој натпревар да ја играме нашата игра“, изјави Виле.