Николовски: За ископ на јаглен е потпишан тендер од 46 милиони евра, имало подобра понуда
Деновиве беше потпишан тендер во вредност од 46 милиони евра за ископ на јаглен во РЕК Битола, помеѓу Електростопанство на Македонија односно Електрани на Македонија, подружница РЕК Битола и компанија „Марковски компани“ на белорускиот почесен конзул Борче Марковски.
Александар Николоски, потпретседател на ВМРО-ДПМНЕ, го нарече ова „врв на криминалот“.
– Првото прашање што се поставува е зошто не е избрана најевтината понуда, а е прифатена понуда што е за околу 30 проценти повисока од најевтината понуда. Имено, понудата што е прифатена е во вредност од 129,7 денари по гигаџул, а имало и понуда што била 100 денари по гигаџул. Како што јавноста може да види, имало три понудувачи и не е избран најевтиниот понудувач туку е избран поскапиот понудувач – рече Николовски.
Тој тврди и дека директорите во РЕК Битола прво се противеле, а потоа се согласиле да го потпишат овој тендер.