Ние ним со бојкот, тие нам со нови цени – поскапуваат млечните производи, ќе биде ли и овој петок „црн“ за трговците?
Граѓаните прашуваат што прават пазарните инспектори и Комисијата за заштита на конкуренцијата, бидејќи досега нема никаква информација за резултатите од нивното дејствување. Од Владата, пак, освен поддршка и „разбирање“ за потрошувачкиот гнев, граѓаните не слушнаа за некакви квалитетни мерки, кои ќе ја зауздаат инфлацијата. Премиерот Христијан Мицковски рече дека нивните стравувања станале реалност, односно се потврдил фактот дека трговците ја изиграле и власта и си тераат по свое?!
Освен некои акции на ексклузивни производи или со кус рок на траење и јавни повици до добавувачите дека во првиот квартал од годинава нема да им бидат прифаќани изменетите ценовници за нивните производи, во трговијата нема посериозни сигнали за драстични намалувања на цените на храната. Напротив, како што дознава „Слободен печат“, најавено е ново поскапување на млечните производи.
Препорачано
Во меѓувреме поскапени се и чоколадите, месото, путерот, бисквитите и некои сувомесни производи. Поради ваквиот однос, некои помали трговци се решија да го бојкотираат кафето од еден познат бренд. Граѓаните прашуваат што прават пазарните инспектори и Комисијата за заштита на конкуренцијата, бидејќи досега нема никаква информација за резултатите од нивното делување. Од Владата пак, освен поддршка и „разбирање“ за потрошувачкиот гнев, граѓаните не слушнаа за некакви квалитетни мерки, кои ќе ја зауздаат инфлацијата.
Премиерот Христијан Мицковски рече дека нивните стравувања станале реалност, односно се потврдил фактот дека трговците ја изиграле и власта и си тераат по свое?! Но, Мицкоски заборави дека државата има свои механизми и треба максимално да ги искористи, наспроти коментарите дека тие не биле пазарни.
– Нашите стравувања стануваат вистина и реалност, така што дејствуваме и ќе продолжиме да дејствуваме. Како Влада, имаме обврска да го штитиме стандардот на граѓаните. Истовремено ќе се води сметка и за пазарната економија, односно да не дојде до нарушување на нејзините принципи. Сите засегнати страни треба заедно да работат со цел да излезат како победници од целата ситуација – изјави Мицкоски.
Во меѓувреме, регионот експлодираше против високите цени, а на терен веќе се преземаат сериозни мерки, зад кои стојат владите. Во Хрватска в петок стапува на сила одлуката на Владата за ограничување на цените на дури 70 производи. Новото е што сите продажни објекти со површина од повеќе од 400 метри квадратни ќе мора да имаат посебни делови во продавниците за продажба на артикли чии цени се ограничени, објави Даница.хр.
Од 6 февруари, Република Српска планира да воведе нула маржа за одредени производи, на што се согласиле и малопродажните синџири, објави Кликс.ба. Според „Вијести“, анализите на Владата на Црна Гора покажале дека цените на прехранбените производи во таа земја, се пониски од оние во Србија и во Хрватска и по оваа основа акцијата „Ограничени цени“ е продолжена до 30 април. Денис Берберовиќ, вонреден професор на Катедрата за маркетинг на Економскиот факултет во Сараево, за „Ал Џезира Балканс“ оцени дека бојкотот на потрошувачите може да има најмалку два ефекта.
– Краткорочните бојкоти, еден или повеќедневен, праќаат повратни информации до компаниите дека потрошувачите се незадоволни од нивната понуда, без разлика дали се незадоволни од цената, квалитетот или кој било друг аспект на понудата. Долгорочните бојкоти, како на пример, случајот со израелските компании и брендови кога Израел брутално ја нападна Палестина, природно имаат многу поголеми ефекти бидејќи претставуваат сериозна и долгорочна реакција на потрошувачите, што резултира со долгорочен пад на прометот – оцени Берберовиќ.
И од Организацијата на потрошувачите постојано се инсистира на мерки што ќе имаат ефект и дека не смее да се остави само на најавите за драконски казни за трговците.
– Казните што ќе ги изречат инспекторите, нема да го зголемат нашиот паричник. Не знам ни дали по тоа, трговците ќе ги намалат цените и колку време ќе треба тоа да се случи. Сите треба да разберат дека на граѓаните им требаат мерки веднаш и сега, затоа што цените се навистина се отидени до плафон – вели претседателката Маријана Лончар Велкова.
Да потсетиме, граѓаните минатиот петок направија за речиси 50 отсто помал промет во осумте најголеми маркети, што беше најдобар скор во однос на регионалните бојкоти, а за овој петок се најавува нов бојкот наречен како „Црн петок“.
Бојкотот на македонските маркети поуспешен и од хрватскиот – прометот речиси преполовен
Саботниот промет во маркетите бил поголем за 11,3 проценти во однос на претходната сабота
Кој прв почна: Американците ги бојкотираа цените уште пред 60 години
Во далечната 1966 година, американските потрошувачи почнаа со бојкот на супермаркетите поради големото зголемување на цените на храната. Во анализите се вклучија и државните институции, за да видат кој заработува на грбот на народот, трговците се бранеа дека не им се зголемуваат маржите туку дека парите ги земаат трговците на големо, а експертите објаснуваа дека лошата година довела до поскапување на житото, што предизвикало верижна реакција, објави Данас.
Речиси 60 години подоцна, на граѓаните на Македонија, Србија, Црна Гора, Хрватска, БиХ, Косово, Словенија, а се најавува бојкот и во Бугарија, преку глава им е да се шокираат секој ден кога ќе влезат во продавница и да пишуваат лути коментари на социјалните мрежи поради поскапувањата.
