Ако сакате да го зголемите внесот на храна која е добра за вашиот мозок, овошјето е одлично место за почеток. Речиси не бара подготовка и ја задоволува вашата желба за слатко, со што е помала веројатноста да посегнете по нешто полно со додаден шеќер, што дефинитивно не е добро за здравјето на мозокот.

Неврохирургот, д-р Бетси Гранч, тврди дека една од главните причини е тоа што овошјето е богато со антиоксиданти. „Овошјето богато со антиоксиданти може да биде добро за мозокот.“

Јадењето на ова овошје ги намалува слободните радикали и оксидативниот стрес на нервното ткиво, што може да ја подобри когнитивната функција.

Со неа се согласува неврологот д-р Мил Етјен кој истакнува дека „овошјето може да спречи оштетување на мозочните клетки и е одличен извор на антиоксиданти кои помагаат да се спречат дегенеративни промени во мозокот“.

Освен антиоксиданти, овошјето содржи витамини, јаглехидрати и други хранливи материи кои не само што влијаат на здравјето на мозокот, туку и на целокупното здравје. За „Парада“, овие научници ги издвоија најдобрите видови овошје што можете да ги јадете за здравјето на мозокот.

Кое овошје да се јаде за да имате здрав мозок?

Како омилен вид овошје што сака да го јаде за здравјето на мозокот, д-р Етјен консумира боровинки и грозје.

– Двете видови овошја се одлични извори на антиоксиданти кои штитат од дегенеративни промени во мозокот – вели д-р Етјен.

И д-р Гранч исто така редовно ужива во боровинки, а и двајцата споделуваат уште едно омилено овошје – бананите.

„Јадам барем една банана дневно“, истакнува неврохирургот и додава: „Покрај тоа што се добри за мозокот, бананите се и одлична храна за здравјето на цревата“, пренесува „Парада“.

Двајцата лекари се согласија дека јадењето цитрусно овошје е исто така корисно за здравјето на мозокот. Неврологот посочува дека портокалите и мандарините се богати со витамин Ц, кој ја поддржува меморијата и когницијата. На нивната листа е и авокадото, кое според нив е исклучително корисно за здравјето на мозокот.

– Авокадото содржи здрави масти кои се важни за функцијата и развојот на мозокот. Тие можат да ги заштитат астроцитите, потпорните клетки во нашиот мозок – тврди д-р Гранч.

Што препорачуваат лекарите?

Без оглед на тоа кое овошје ќе изберете да го јадете, д-р Етјен препорачува да се консумира цело овошје наместо сок. На тој начин не ги пропуштате влакната кои се корисни за цревата и мозокот.

– Сокот има повеќе концентриран шеќер и често има додаден шеќер и калории, што го прави сокот помалку здрав од вистинското овошје од кое е направен. Покрај тоа, поради концентратот, може да имате многу повисоки нивоа на шеќер во крвта и вкупниот внес на калории – објаснува тој.

Неговата препорака е секојдневно да се јаде овошје за здравје на мозокот, но и за општото здравје. Особено им препорачува секојдневно консумирање на оние со постоечки здравствени проблеми како Паркинсонова болест, деменција, благо когнитивно оштетување или трауматска повреда на мозокот, пренесува „Парада“.