Нетанјаху по нападот од Иран: Пресретнавме, одбивме, заедно ќе победиме
Израел ќе победи откако ќе се одбрани од налетот на ирански беспилотни летала и ракети, изјави денеска израелскиот премиер Бенјамин Нетанјаху.
„Пресретнавме, одбивме, заедно ќе победиме“, рече Нетанјаху во кратка објава на мрежата Х.
יירטנו. בלמנו.
יחד ננצח 🇮🇱— Benjamin Netanyahu – בנימין נתניהו (@netanyahu) April 14, 2024
Американскиот претседател Џо Бајден ги пофали американските сили што му помогнале на Израел да ги собори „речиси сите“ беспилотни летала и ракети истрелани од Иран и вети дека ќе го координира глобалниот одговор на нападот без преседан на Техеран.
Во услови на најголемата ескалација на регионалните тензии од почетокот на војната меѓу Израел и Хамас пред шест месеци, Бајден вети дека американската поддршка за одбраната на Израел од нападите на Иран и неговите посредници ќе биде „железна“.
Тоа беше првпат Иран да изврши директен воен напад врз Израел, ризикувајќи да предизвика поширок регионален конфликт.
Соединетите Американски Држави и Израел се подготвуваа за напад со денови откако Иран најави дека ќе возврати на наводниот израелски напад врз иранскиот конзулат во Сирија во кој загинаа 12 лица, вклучително и двајца високи ирански генерали во елитните сили „Кудс“ на гардата на исламската револуција.
I condemn Iran’s attacks in the strongest possible terms and reaffirm America’s ironclad commitment to the security of Israel.
My full statement on Iran’s attacks against Israel: pic.twitter.com/EuPJZoGw6w
— President Biden (@POTUS) April 14, 2024
„Според моја насока … американската војска повторно распореди авиони и ескадрили за уништување за да ја зајакне ракетната одбрана во регионот изминатава недела. Благодарение на ова и на исклучителните вештини на нашиот воен персонал, му помогнавме на Израел да ги собори речиси сите дронови и проектили кои доаѓаа“, рече Бајден.
Тој го прекина викендот во неговата куќа на плажата во Делавер за да се сретне со неговиот тим за национална безбедност во Белата куќа, враќајќи се во Вашингтон неколку минути пред израелските власти да потврдат дека откриле беспилотни летала испукани од Иран.
Пред да разговара со израелскиот премиер Бенјамин Нетанјаху, тој свика состанок на Советот за национална безбедност.
„Истакнав дека Израел покажа извонредна способност да се брани и да ги порази дури и нападите без преседан – испраќајќи јасна порака до своите непријатели дека не можат ефективно да ја загрозат безбедноста на Израел“, рече Бајден.
Тој додаде дека денеска ќе свика состанок на Г7 „за да се координира унифициран дипломатски одговор на дрскиот напад на Иран“.
ВИДЕО | Иран го нападна Израел со дронови, Нетанјаху рече дека земјата е подготвена да се брани