Израелскиот премиер Бенјамин Нетанјаху денеска изјави дека Израел нема да пропушти никаква можност да ослободи уште заложници кои ги држи Хамас во Појасот Газа, додавајќи дека израелската армија ќе продолжи со офанзивата до „конечната победа“ над Хамас.

Нетанјаху ова го изјави откако израелските специјални сили ослободија двајца заложници за време на операција во градот Рафа, во јужниот дел на Појасот Газа. Нетанјаху го поздрави ослободувањето на заложниците Фернандо Симон Марман (61) и Норберт Луис Хара (70).

„Фернандо и Луис, добредојдовте дома. Им честитам на нашите храбри борци за храбрата акција што доведе до нивно ослободување. Само континуираниот воен притисок може да доведе до ослободување на сите наши заложници“, напиша Нетанјаху на Икс.

פרננדו ולואיס – ברוכים השבים הביתה.

אני מצדיע ללוחמינו האמיצים על הפעולה הנועזת שהביאה לשחרורם. רק המשך הלחץ הצבאי, עד לניצחון המוחלט, יביא לשחרור כל חטופינו.

לא נחמיץ אף הזדמנות להשיבם הביתה.

— Benjamin Netanyahu – בנימין נתניהו (@netanyahu) February 12, 2024