Лушпите од ф’стаци не се отпад и не треба да ги фрламе во ѓубре. Откако ќе ги изедеме вкусните плодови, нивните лушпи можеме да ги користиме во домаќинството, особено во градината.

Острите рабови и испакнатините на лушпите од ф’стаци ќе го спречат пробивот на градинарски штетници како што се полжавите. Ако сакате да ги заштитите растенијата од полжави, поставете лушпи од ф’стаци околу поединечни растенија или во нивната основа како бариера против овие мекотели.

Бидете внимателни, избегнувајте да користите солени лушпи од ф’стаци бидејќи додадената сол може да ги оштети вашите растенија. Ако имате солени лушпи на располагање, исплакнете ги пред да ги користите.

Лушпите од ф’стаци се прилично издржливи и не се расипуваат лесно – можете да ги користите за да го наполните дното на садот за растение пред да го покриете со земја и да го засадите растението.

Ова е многу полесна алтернатива отколку да користите камења и чакал како полнење. Саксиите со додадени лушпи од ф’стаци се полесни за носење и движење од оние исполнети со камења.

Лушпите од ф’стаци, исто така, можат да ги заменат дренажните камчиња и да дозволат вишокот на влага да се исцеди од почвата, со што се спречува гниење на коренот.

Згора на тоа, можете да ги користите и лушпите како компост – тие ќе додадат хранливи материи во вашата почва. Имајте на ум дека лушпите од ф’стаци може да потраат со години за да се распаднат. Затоа би било корисно да ги згмечите пред да ги додадете во компостот.