Легендарниот фудбалер на Јувентус, Алесандро Дел Пјеро е навистина изненаден од изборот со Андреа Пирло на местото тренер на италијанскиот шампион.

Пирло доаѓа како наследник на Маурицио Сари кој си замина после елиминацијата во осминафиналето од Лигата на шампионите против Лион.

– Да бидам искрен, јас не би се обложил тој да биде тренер на првиот тим. Изненадување е и за мене. Прво бев среќен од веста дека ќе седне на клупата на У23 тимот на Јувентус, што беше вистински потег за него, но тој тоа го прескокна и сега можам само да му посакам среќа – рече Дел Пјеро.

Во Јуве се одлучија за својот екс играч од средниот ред, иако нема ни ден тренерско искуство.

– Мислам дека тоа полека се менува. Претходно играчите мораа да поминат долг процес пред да бидат тренери, но гледаме примери како браќата Филипо и Симоне Инзаги, Џенаро Гатузо..На прашањето дали Пирло може да ги следи стапките на Зинедин Зидан (Реал Мадрид), мислам дека тоа не е фер споредба, бидејќи Зизу веќе работеше со младинскиот тим на Реал, па беше асистент на Карло Анчелоти. Но, мислам дека Пирло има сè што е потребно да биде дури и подобар од Зидан – додаде поранешниот италијански репрезентативец.

Изненадување: Пирло ќе биде новиот тренер на Јувентус