Во триумфот од 110:102 во „Американ Ерлајнс“ центар над актуелниот бранител на титулата, Торонто Репторс, Дончиќ запиша 26 поени, 15 скокови и седум асистенции.

Клучен придонес имаше и Летонецот Кристапс Порзингис кој забележа 20 поени и 15 скокови, а токму тој и Дончиќ се промовираа како први соиграчи кои во Далас и воопшто во НБА лигата, родени надвор од САД, во еден ист меч за една иста екипа постигнаа 20+ поени и 15+ скокови. Кај Репторси се истакнаа Пауел со 26 поени и ВанВлит (24), додека Сиакам уфрли 15 поени.

Без продолженија Лос Анџелес Клиперс постигна дури 150 поени во победата пред своите навивачи против Атланта, а Пол Џорџ по враќањето на терените повторно доминира, па така сега запиша 37 поени, следен од Лу Вилијамс (25) и Робинсон (21). На спротивната страна во дресот на Хокси се истакна Јанг со 20 поени.

Хјустон во Минесота славеше со 125:105, а Џејмс Харден дуелот го заврши со 49 поени. Во составот на домаќините Таунс имаше „дабл-дабл“ учинок од 27 поени и 15 скокови.

Портланд со 121:116 беше подобар од Сан Антонио, МекКолум имаше 32 поени, а Лилард 22. За Спарси доминираше Олдриџ со 30 поени и 13 скокови.

НБА, резултати –

Чикаго Булс-Бруклин Нетс 111:117
Индијана Пејсерс-Милвоки Бакс 83:102
Њујорк Никс-Шарлот Хорнетс 102:103
Мајами Хит-Њу Орлеанс Пеликанс 109:94
Минесота Тимбервулвс-Хјустон Рокетс 105:125
Далас Маверикс-Торонто Репторс 110:102
Сан Антонио Спарс-Портланд Трејл Блејзерс 116:121
Лос Анџелес Клиперс-Атланта Хокс 150:101

Источна конференција –
1.Бостон Селтикс 10-1
2.Милвоки Бакс 9-3
3.Мајами Хит 9-3
—

Западна конференција –
1.Лос Анџелес Лејкерс 10-2
2.Хјустон Рокетс 10-3
3.Денвер Нагетс 8-3
—