61-годишен Германец е уапсен откако со нож и рачна граната која ја активирал во влез од станбена зграда во Берлин, повредил три лица.

Тој ја активирал гранатата во населбата Рајникендорф и ранил две жени на возраст од 42 и 48 години, како и еден 61-годишен маж, пренесува АП.

По детонацијата, осомничениот притрчал кон жртвите и ги нападнал и ги ранил со нож.

Сите три жртви се пренесени во болница.

Полицијата за кратко го привела напаѓачот во близина на станбената зграда.