Пливачката од Парагвај, Луана Алонсо беше исфрлена од олимпиското село поради тоа што им го одвлекува вниманието на другите натпреварувачи, носејќи оскудна облека и дружејќи се со спортистите, пишува „Дејли мејл“.

Претставниците на Олимпискиот комитет на Парагвај ѝ забранија да се дружи со другите членови на тимот поради „непримерно однесување“.

На парагвајската пливачка ѝ било кажано да замине откако официјалните лица рекле дека таа создала „несоодветна атмосфера“ со своето однесување.

Прекрасната 20-годишна русокоса, беше видена како шета во сопствен избор на облека, а не во официјалниот комплет обезбеден од шефовите на парагвајските тимови.

Таа, исто така, беше забележана како се дружи со други спортисти и беше кажано дека им го одвлекува вниманието на нејзините соиграчи кои сѐ уште се натпреваруваат.

„Нејзиното присуство создаде несоодветна атмосфера во тимот на Парагвај, ѝ благодариме што ги следеше упатствата бидејќи не преноќи во олимпиското село по своја волја“, изјави шефот на парагвајската делегација Лариса Шаерер.

Имено, на Олимписките игри во Париз, Луана исплива во квалификациите за 100 метри делфин и не успеа да се пласира во полуфиналето. После тоа решила да стави крај на кариерата во пливање. Но, практика е спортистите да останат во Селото до крајот на Игрите, кога учествуваат на затворањето и големата забава во градот домаќин.

Странските медиуми пишуваат дека Луана се пријавила во хотел во Париз пред да биде исфрлена од олимпиското село. Слободното време го поминувала во луксузни продавници и ресторани и објавувала фотографии на Инстаграм. Од Комитетот ѝ кажале да остане во хотелот и да не се враќа во Селото.