Во својот втор натпревар од квалификациите за пласман на Европското првенство во 2026 година, во неделата најдобрата македонска машка одбојкарска репрезентација загуби со 3:1 во сетови од Грција.

Нашите најдобри одбојкари во СЦ „Јане Сандански“ – Скопје почнаа одлично освојувајќи го првиот сет убедливо со 25:15.

Грците направија целосен пресврт, доминираа на паркетот и ги добија следните три сета со 25:18, 25:23 и 25:20.

Во рамките од третиот сет одржувавме минимална предност и имавме добра шанса да имаме нова позитива во мечот, но при 21:20 дозволивме ривалите да направат клучна серија од три поени во низа, позитива што ја одржија до крајот на сетот.

Најефикасен во нашите редови беше Н. Ѓоргиев со 25 поени, следен од А. Љафтов кој имаше 15, а два поени помалку запиша Ф. Савовски.

На спротивната страна доминираше Димитриос Мухлиас со 24 поени.