Националната федерација на Унгарија и официјално потврди дека натпреварот од претквалификациите за Светскиот Куп 2027, на кој се во улога на домаќини против македонската машка кошаркарска сениорска репрезентација, ќе се игра во градот Шолнок.

Мечот, кој е втор во серијата за нашите најдобри кошаркари во групата „Б“ претквалификациите, е закажан за 9 август.

Овој унгарски град и не е така непознат за нашиот сениорски национален тим, ако се знае дека пред извесен временски период, „црвено-жолтите“ веќе биле на гостувања во Шолнок, и играле во салата „Тицалигет“ (која е со капацитет од 2.200 седишта).

Неколку дена подоцна, Македонија ќе има уште едно гостување на 13 август.

Во градот Орадеа, Македонија ќе игра против Романија, во третиот натпревар од претквалификациите за Мундобаскетот, кои ќе ги затвориме на домашен терен, на 20 август, кога ја пречекуваме репрезентацијата на Унгарија.