Најбогатиот фудбалер на светот остана без клуб
Репрезентативецот на Брунеј, Фаик Болкија (22) остана без клуб, откако му истече договорот со англискиот премиерлигаш клуб Лестер сити.
Болкија потпиша за Лестер сити во 2016 година, но не играше ниту една минута во англиското првенство, иако редовно настапуваше за помладите екипи на „лисиците“.
Фаик е роден во Лос Анџелес, играше за младинските екипи на Саутемптон и Челси пред Лестер.
Оваа вест тешко дека ќе го најдеше својот пат до медиумите, доколку Болкија не е најбогатиот фудбалер на светот. Фаик е принц на Брунеј и внук на султанот на таа земја, Хасанал Болкија, а неговото богатство се проценува на повеќе од 20 милијарди долари.
Колку за споредба, следен на списокот најбогати фудбалери е Португалецот Кристијано Роналдо кој тежи околу 470 милиони долари, 50 повеќе од Аргентинецот Лионел Меси.