На најпознатиот македонски турнир во мал фудбал преостанува да се одигра уште само финалето во кое ќе се сретнат екипите на АСП ПАК  Компанија Атанасовски, а од истото ќе има и директен пренос.

Сепак, иако првично беше закажано за в недела на 28 септември, сепак ќе се помести за следниот викенд на 4 октомври (сабота). Причина за одложувањето е најавениот дожд кој се очекува во главниот град викендов.

Натпреварот кој ќе се одигра на игралиштето „Сокол“ во Карпош на ТВ екраните ќе може да се проследи на каналот на МРТ 3, но исто така и на официјалниот Јутјуб канал на турнирот.

„Најдобрите на едно место – вистинска магија на малиот фудбал, да ги поддржиме екипите и да создадеме атмосфера за паметење!“, порачуваат организаторите.

Преземено од: Спорт.ком.мк