Вчера на шлоштад „Македонија“ додека траела прославата на победата на ракометниот клуб „Вардар“ било пријавено дека е оштетено патничко моторно возило „ауди а3“ со скопски регистарски ознаки на булеварот „Гоце Делчев“.

Возилото било оштетено од повеќе лица кои фрлале кон него со бекатон плочки. Телесна повреда здобил Ф.М. (18). Припадници на единицата „Алфа“ за настанот привеле пет малолетници на возраст од 14 до 17 години, сите од Скопје.

На улицата „11 Октомври“ пред Собранието на Македонија било оштетено патничко моторно возило „шевролет спарк“ сопственост на МВР.

Т.П.(17) од Скопје била повредена од пиротехнички средства на плоштад М„акедонија и се здобила со изгореници во пределот на нозете. Исто така, приведен е и Ж.М.(36) од Скопје поради нарушување на јавниот ред и мир пред Собранието на РСМ.