Поради штрајкот на хигиеничарките на аеродромот во Сплит што трае веќе шест дена, шефовите на аеродромските служби мораат да ги чистат терминалите и тоалетите. Речиси 80 отсто од чистачките штрајкуваат од вторникот, барајќи поголеми плати, па терминалите, тоалетите и паркинзите се во многу лоша состојба, а сега е шпицот на туристичката сезона, пишува „Слободна Далмација“.

Низ сплитскиот аеродром во саботата поминале рекордни 29.000 патници, а вчера околу 24.000.

„Чистиме колку што можеме и некако одржуваме ред. Веќе долго време сме во преговори со компанијата со која имаме договор за чистење и бараме решение за проблемот“, вели Мате Мелван, раководител на служба на сплитскиот аеродром.