Претседателот на Република Српска, Милорад Додик, изјави дека американскиот милијардер Џорџ Сорос и неговите организации стојат зад „обоените револуции“ што според него се „спроведувале“ денес во Србија и во некои други земји.

Додик оцени дека она што го прават Сорос и неговите организации е „криминален потфат“.

„Значи, тие ги користеа легалните средства на американските даночни обврзници за да се справат со државите и властите низ целиот свет, бидејќи тие не им одговараа“, рече осудениот лидер на босанските Срби, кој жестоко ги поддржува Вучиќ, Орбан, Путин, но и Трамп.

Во подкаст на американската новинарка Лара Логан, Додик повтори дека дека Сорос е „негативец“ кој треба „да биде забранет“ и дека „неговите организации се еднакви на фашистите“.

Тој рече дека единствената личност во Европа која, по Адолф Хитлер, наметнувала закони, е Кристијан Шмит (високиот претставник на меѓународната заедница во БиХ поради кого Додик беше осуден во Сараево за непочитување на неговите одлуки).

„И тоа е она што Сорос го промовира. Да го шири овој разврат“, вели Додик, според Срна.