На 1 октомври 2000 година на Летните Олимписки игри организирани во Сиднеј (Австралија), нашата земја преку борењето успеа да се закити со првиот медал на најголемото спортско натпреварување.

Пред точно 20 години Магомед Ибрагимов во категоријата до 85 кг. во слободен стил во борбата за бронзениот медал успеа да го совлада Амир Реза Хадем од Иран (4:1).

На патот до финалето Ибрагимов (борач со потекло од Дагестан) славеше победи против Давид Бичинашвили (Украина) и Тацуо Каваи (Јапонија).

Во четвртфиналето со 4:2 го елиминираше Американецот Чарлс Бартон, а во полуфиналето го претрпе единствениот пораз од Адам Саитиев (0:3).

Токму Русинот Саитиев на крајот се закити со златото откако во финалето беше подобар од Кубанецот Јоел Ромеро.