Локалните власти во Англија им пријавиле на судските извршители најмалку 280.000 домаќинства поради даночен долг во првата година од пандемијата од коронавирус и побарале од повеќе од 115.00о луѓе да им се одбијат бенефициите за отплата на заостанатите долгови, објави Обзервер.

Локалните совети усвоија различни пристапи за заостанатите даночни обврски поради забавувањето на економијата и порастот на невработеноста во текот на 2020-21 година.

Податоците добиени според Законот за слобода на пристапот до информации покажуваат дека советите во периодот 2о20-21 пријави 281.380 домаќинства до судските извршители, при што најмалку 93.031 случај се однесуваат на заостанати законски обврски кои настанале во текот на таа година, а не претходните години, пренесува Гардијан.

Судските извршители можат да ги посетат домовите на луѓето за да се обидат да ги соберат парите, па дури и да запленат работи од домовите заради неплатен долг, иако таквата постапка беше запрена во текот на првите месеци од пандемијата.