Мурињо: Јас сум ѓубре
Португалскиот тренер, Жозе Мурињо, не престанува да ја интригира јавноста со интересни изјави. Овој пат, на „менито“ на поранешниот тренер на Порто, Челси, Интер, Реал Мадрид и Манчестер јунајтед, беше односот со неговите играчи.
– Кога фудбалерите со кои сум работел би ме опишале со еден збор, тој збор сигурно би бил „ѓубре“. Па зошто тогаш соработуваат со мене? Поради победите. Секогаш на почеток од заедничката соработка отворено ги прашувам: Сакате ли да бидете победници? И доколку одговорот е позитивен, дури тогаш имаме за што да зборуваме – вели Мурињо.
Мурињо има две титули во Лигата на шампионите, со Порто триумфира 2005 година, додека 2010 година, тоа го стори и со Интер, во чиј состав тогаш настапуваше и капитенот на македонската репрезентација, Горан Пандев.
Последниот ангажман на Мурињо беше во Манчестер јунајтед, но во декември минатата година беше отпуштен поради слави резултати во Премиер лигата, иако во ЛШ тимот го внесе во осминафиналето.