Мурињо за суспензијата од Серија А: Во август подобро ќе ми биде под клима, отколку покрај аут линијата
Жозе Мурињо пристигна во Рим на подготовките на Рома за следната сезона, а Португалецот на аеродромот одговараше на новинарските прашања.
Мурињо доби суспензија и ќе го пропушти почеток на Серија А, а португалскиот стратег добил понуда јавно да се извини за да му биде намалена казната. Жозе пред новинарите одговори во свој стил и порача дека во август подобро би му било да се лади под некоја клима.
„Ми беше кажано дека ќе ми биде намалена казната ако се извинам јавно, но времето во август е навистина жешко, па место да бидам покрај аут линијата, подобро да бидам некаде под клима“, изјави со насмевка Мурињо.
Мурињо потврди дека во понеделник во осум часот ги започнува подготовките. Во медиумите се шпекулираше за нов договор на Дибала бидејќи има откупна клазула од само 12 милиони евра (за странските клубови), но Португалецот не сакаше да даде одговор.
„Искрено не знам ништо за неговиот договор, јасно е дека зборувам со Пауоло како што зборувам со сите други фудбалери“, мистериозно одговори Мурињо.
ECCOLO! #Mourinho è sbarcato a Roma.
“Sono pronto per questa nuova stagione. Dal mercato della #ASRoma non mi aspetto niente, sono contento di lavorare. Sono uno da lavoro, non da vacanze. Lunedì mattina alle 8 comincio a lavorare. #Dybala? Non so niente del suo contratto, ma… pic.twitter.com/OM2692EzzP
— Jacopo Aliprandi (@AliprandiJacopo) July 8, 2023