Мурињо: Сакам да се вратам во Манчестер Јунајтед
Португалскиот стратег Жозе Мурињо еден месец е без ангажман по отказот кој го доби во Рома, а вечерва предизвика бурни реакции со изјавата дека сака да се врати во Манчестер Јунајтед.
„Црвените ѓаволи“ направија промени во управувачката структура, па иако засега милијардерот Ретклиф има доверба во Ерик Тен Хаг не е исклучена можноста да дојде до промена.
Со последната изјава Мурињо јасно стави до знаење дека е спремен да се врати во Манчестер Јунајтед.
„Сакам брзо да се вратам на тренерската работа, а желба ми е ако имам можност да се вратам во Манчестер Јунајтед. На тоа гледам како моја мисија, мислам дека таму ми остана недоврешна работа и затоа сакам да се вратам. Поради начинот на кој заминав сакам повторно да го водам Јунајтед“, изјави Мурињо.
Мурињо на клупата на Манчестер Јунајтед дојде летото 2016 година и помина две ипол сезони во кои освои два трофеи, еден во Лигата на Европа и еден во Лига Купот.
Jose Mourinho back to Manchester United.
Yes or no? 🤔 pic.twitter.com/jMCvnjkOPv
— utdreport (@utdreport) January 31, 2024