Бразил има најмногу светски титули во историјата/фото: EPA-EFE/Sebastiao Moreira

Мундијалска треска: Рекорди на светските фудбалски првенства, Бразил со најмногу настапи

Светското првенство во Катар почнува в недела со натпреварот меѓу домаќинот и Еквадор. Натпреварувањето ќе биде специфично по тоа што првпат се одржува во зима, на сред клупска сезона и тоа во земја од Блискиот Исток. Тоа ќе биде 22. издание на Светското првенство, а првото се одржа во 1930 година во Уругвај.

Во Катар ќе се натпреваруваат 32 репрезентации поделени во осум групи по четири, а на Мундијалот во САД, Мексико и Канада во 2026 година ќе учествуваат 48 земји. Во текот на 98 години се одиграа бројни натпревари и беа поставени разни рекорди.

Најчесто се зборува за рекордниот број на голови. Првото место го држи германскиот напаѓач Мирослав Клосе со 16 голови. Од активните играчи кои ќе играат во Катар, најблиску до него е сонародникот Томас Милер со 10 гола.

Рекорди на светските фудбалски првенства:

Земја со најмногу настапи на светските првенства: Бразил (21)

Играч со најмногу титули на светските првенства: Пеле (1958, 1962 и 1970 година со Бразил)

Играч со најмногу настапи на светските првенства: Лотар Матеус (25 за Германија)

Играч со најмногу голови на светските првенства: Мирослав Клосе (16 за Германија)

Најстар играч кој настапил на Светско првенство: Есам Ел-Хадари за Египет во 2018 година (45 години и 161 ден)

Најстар играч кој освоил Светско првенство: Дино Ѕоф со Италија во 1982 година (40 години и 133 дена).

Не се пријавил ниту еден кандидат да го наследи, Инфантино ќе добие нов мандат

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот